काठमाडौं, भाद्र २४ । देशमा बढ्दो भ्रष्टाचार, कानूनी शासनप्रति अवहेलना, राजनीतिक असफलता र जनतामाथि भइरहेको दमनविरुद्ध नयाँ पुस्ताले आन्दोलन गर्ने घोषणा गरेको छ। “Generation Y (Gen Y)” नामक समूहले सोमबार जारी गरेको विज्ञप्तिमार्फत् युवाहरूको सक्रिय सहभागितासहित संघर्षको मार्गमा उत्रिने बताएको हो।

विज्ञप्तिमा भनिएको छ, “Gen G ले सुरु गरेको आन्दोलनलाई अब Gen Y ले दृढ समर्थन र सक्रिय सहभागितासहित अझ व्यापक बनाउँदै अघि बढाउनेछ।”

समूहले यो आन्दोलन कुनै दल वा व्यक्तिको पक्षमा नभई सम्पूर्ण नेपाली जनताको अधिकार, स्वतन्त्रता र न्यायका लागि भएको दाबी गरेको छ। विज्ञप्तिमा युवाहरूलाई भविष्य संकटमा पार्ने र राष्ट्रलाई दलदलमा फसाउने सत्ता अब अस्वीकार गर्ने चेतावनी दिइएको छ।

Gen Y का प्रमुख मागहरू :

१,वर्तमान सरकारले जनतामुखी जवाफदेही शासनको मार्ग अवलम्बन गर्नुपर्ने।

२,भ्रष्टाचार, दमन र गैरजवाफदेहिताको पूर्ण अन्त्य गर्दै राजनीतिक रूपान्तरण तत्काल सुरु गर्नुपर्ने।

३,महँगो गाडी, शेरबंगलामा देखिएको भव्य खर्च तथा घर-जग्गा प्रकरणमा मुछिएका शीर्ष नेताहरूलाई कानूनी कारबाही गर्दै जेल सजाय गर्नुपर्ने।

४, युवा पुस्ताको आवाजलाई दबाउने र स्वतन्त्रता खोस्ने कुनै पनि प्रयासविरुद्ध प्रतिरोध गर्ने, लगायतका माग राख्दै समूहले आन्दोलनलाई सडकस्तरमा व्यापक बनाउँदै जनताको अधिकार सुनिश्चित गर्न निर्णायक कदम चालिने जनाएको छ।