काठमाडौँ, भाद्र २७ । शीतल निवासमा बिहीबार साँझदेखि सुरु भएको बैठकले कुनै निष्कर्ष निकाल्न नसकेपछि शुक्रबार बिहान ९ बजे पुनः बस्ने गरी स्थगित गरिएको छ।
राष्ट्रपति रामचन्द्र पौडेल, प्रधानसेनापति अशोकराज सिग्देल, पूर्वप्रधानन्यायाधीश कार्की र कानुनविद् ओमप्रकाश अर्यालबिच भएको छलफल शुक्रबार बिहान ३ बजेसम्म चले पनि अन्तिम निष्कर्ष नआएपछि बैठकलाई शुक्रबार बिहानका लागि सारिएको हो।
बैठकको मुख्य एजेन्डा पूर्वप्रधानन्यायाधीश सुशीला कार्कीलाई अन्तरिम सरकारको नेतृत्व कसरी दिने भन्ने विषय रहेको थियो। तर संविधानअनुसार प्रधानमन्त्री प्रतिनिधिसभा सदस्य हुनुपर्ने प्रावधानकै कारण सहभागीहरू सहमतिमा पुग्न नसकेको बताइएको छ ।
सम्बन्धित खवर
