काठमाडौं, कार्तिक ३० । नेपाल विद्युतीय व्यवसायी महासंघको १६ औँ वार्षिक साधारण सभा तथा छैठौँ महाधिवेशन काठमाडौंमा सम्पन्न भएको छ। काठमाडौँका दिलिप अग्रवाललाई केन्द्रीय अध्यक्षमा निर्वाचित गराउँदै महासंघको नयाँ कार्यसमिति चयन गरिएको हो।
महाधिवेशनको उद्घाटन नेपाल उद्योग वाणिज्य महासंघका केन्द्रीय अध्यक्ष चन्द्र ढकालको प्रमुख आतिथ्यतामा भएको थियो ।कार्यक्रममा प्रमुख अतिथि चन्द्र ढकालले आफ्नो मन्तव्य राख्दै “विद्युत व्यवसाय मुलुकको औद्योगिक विकासको अभिन्न हिस्सा रहेको उल्लेख गर्दै निजी क्षेत्रको सुदृढ भूमिकाबिना आधुनिक ऊर्जा तथा प्रविधिको विकास सम्भव नहुने बताए । उनले “महासंघले व्यवसायीका चुनौती समाधान गर्न अझ प्रभावकारी पहलकदमी गर्नुपर्ने समय आएको आफ्नो मन्तव्यमा बताएका छन् ।
निवर्तमान अध्यक्ष एवं सोही सभाका सभापति रेशम देवकोटाले आफ्नो कार्यकालमा सुरु गरिएका संरचनात्मक सुधार, नीति संवाद र संस्थागत विस्तारलाई नयाँ नेतृत्वले अझ परिष्कृत र सक्षम रूपमा अघि बढाउने विश्वास व्यक्त गर्दै उनले भने “महासंघले प्रदेशस्तरमा समन्वय विस्तार गरेको छ, अब यसलाई थप मजबुत बनाउनुपर्नेछ, नयाँ नेतृत्वसँग आवश्यक जोश, दृष्टि र योजना दुवै रहेकोले आगामी दिनमा महासंघ अझ परिणाममुखी हुनेछ।”
नव-निर्वाचित अध्यक्ष दिलिप अग्रवालले सोही सभामा आफ्नो प्रतिबद्धता जाहेर गर्दै महासंघलाई सदस्य-केन्द्रित, पारदर्शी र प्रविधिमैत्री बनाउने लक्ष्य प्रस्तुत गरे। “हामी व्यवसायीका समस्या समाधान, सीप अभिवृद्धि, बजार व्यवस्थापन र सरकारी निकायसँग नीति संवादमा सक्रिय रहने प्रण गर्दै प्रदेश र केन्द्रबीचको समन्वयलाई अझ बलियो बनाएर महासंघलाई आधुनिक ढङ्गले अघि बढाउने उद्घोष गरे ।
सम्पन्न केन्द्रीय सभाले प्रथम उपाध्यक्ष: गोपाल अग्रवाल, द्वितीय उपाध्यक्ष: लेखनाथ सापकोटा, तृतीय उपाध्यक्ष: प्रकाश चन्द्र पाण्डे, महासचिव: शंकर देवकोटा, कोषाध्यक्ष: राजेश गौतम, सचिव: लोकनाथ पोखरेल,सह-कोषाध्यक्ष: शंकर पोख्रेल, र केन्द्रीय सदस्य: सरोज कुमार रेग्मी, ओमप्रसाद चालिसे, डोलराम न्यौपाने, सुजन अधिकारी, प्रभाखर पुरी, राजेन्द्र पौडेल, कृष्णप्रसाद कुइकेल लगायत प्रदेश संयोजकका लागि कोशी प्रदेश: चन्द्रमणि देवकोटा, मधेस प्रदेश: प्रेमकुमार ठाकुर, बागमती प्रदेश: दिनेश कुमार जैन, लुम्बिनी प्रदेश: दीपक पौडेल चयन भएका हुन् । नयाँ नेतृत्व चयनसँगै महासंघले देशभर विद्युतीय व्यवसाय क्षेत्रको प्रवर्द्धनमा थप सक्रियता देखाउने अपेक्षा गरिएको छ।
सम्बन्धित खवर
