मङ्सिर, १ काठमाडौँ । काठमाडौं – नेपाल विद्युतीय व्यवसायी महासंघको सोह्रौं वार्षिक साधारण सभा तथा छैटौं महाधिवेशन सम्पन्न भएको छ। कार्तिक २९ गते सम्पन्न महाधिवेशनमार्फत आगामी तीन वर्षका लागि महासंघको सातौं कार्यकालका पदाधिकारी तथा कार्यसमिति सर्वसम्मत रूपमा चयन गरिएको महासंघले जानकारी दिएको छ।

विद्युतीय क्षेत्रसँग प्रत्यक्ष तथा परोक्ष रूपमा संलग्न व्यवसायीहरूको छाता संगठनका रूपमा क्रियाशील नेपाल विद्युतीय व्यवसायी महासंघ देशभरका जिल्लागत, नगरगत तथा एसोसिएट सदस्यहरूको प्रतिनिधित्व गर्दै औद्योगिक–वाणिज्य क्षेत्रको समग्र विकासमा सक्रिय रहँदै आएको छ।

नयाँ नेतृत्वको संयोजन

महाधिवेशनले आगामी कार्यकालका लागि निम्नानुसारको नयाँ पदाधिकारी तथा कार्यसमिति निर्वाचित गरेको छः

अध्यक्ष-दिलिप कुमार अग्रवाल,प्रथम उपाध्यक्ष-गोपाल अग्रवाल,द्वितीय उपाध्यक्ष-लेखनाथ सापकोटा,तृतीय उपाध्यक्ष-प्रकाश चन्द्र पाण्डे,महासचिव-शंकर देवकोटा,कोषाध्यक्ष-राजेश गौतम,सचिव-लोकनाथ पोखरेल,सह-कोषाध्यक्ष-शंकर प्रसाद पोख्रेल ।

कार्यसमिति सदस्यहरू:

ओम प्रसाद चालिसे, सरोज कुमार रेग्मी, कृष्ण प्रसाद कुइँकेल, राजेन्द्र पौड्याल, प्रभाकर पुरी, सुजन अधिकारी, डोलराम न्यौपाने

प्रदेशगत प्रतिनिधि सदस्यहरू:

कोशी प्रदेश-चन्द्रमणि देवकोटा,मधेश प्रदेश-प्रेम कुमार ठाकुर,बागमती प्रदेश-दिबेश कुमार जैन,लुम्बिनी प्रदेश-दिपक पौडेल

महासंघका महासचिव शंकर देवकोटाले जारी गरेको विज्ञप्तिमा नयाँ कार्यसमितिले देशको विद्युत तथा विद्युतीय व्यवसाय क्षेत्रमा थप प्रभावकारी रूपमा काम गर्दै क्षेत्रको समग्र विकासमा योगदान पुर्‍याउने विश्वास व्यक्त गरिएको छ।