नेपाल कम्युनिस्ट पार्टी (नेकपा) ओली पक्षका केन्द्रीय सदस्य तथा भूमि समस्या समाधान आयोगका अध्यक्ष देवी ज्ञवालीले प्रचण्डले मतपत्र च्यातेर छोरी जिताएको जितवनका जनताले नबिर्सेको बताएका छन् ।
नेपाल कम्युनिस्ट पार्टी (नेकपा) माडीको आयोजनामा माडीमा भएको अगुवा कार्यकर्ता भेलामा प्रचण्डको राजनीतिक पृष्ठभूमिबारे बोलेका हुन् ।
नेकपाका केन्द्रीय सदस्य ज्ञवालीले पद र स्वार्थका लागि प्रचण्ड र माधव नेपालले पार्टी फुटाएर गएको बताउँदै उनले मतपत्र च्यातेर छोरी जिताएको चितवनका जनता नबिर्सिएको बताए । उनले भने, ‘प्रधानमन्त्री ओलीले जनमुखी काम गरेर लोकप्रिय हुँदै गएपछि आफूहरु पछाडि पर्ने डरले अतालिएका माधव–प्रचण्ड पार्टी भित्रको राजनीतिक सहमति तोडेर भागेको ज्ञवालीले बताए । देश समृद्धि र विकासको क्रममा अगाडि बढेको बताउँदै उनले माडीमा नेपाल सरकारद्वारा थुप्रै विकासका कामहरु भइरहेको बताए । उनले प्रधानमन्त्री केपी ओलीको राष्ट्रभक्ति र देश विकासको अभियानलाई माडीबासीले साथ दिने समेत विश्वास व्यक्त गरे ।
नेकपा माडी नगर कमिटीका सदस्य रेशमलाल आचार्यको अध्यक्षतामा बुधबार भएको कार्यक्रममा नेकपाका केन्द्रीय सदस्य तथा भूमि समस्या समाधान आयोगका अध्यक्ष देवी ज्ञवाली प्रमुख अतिथि रहेका थिए । उनले आयोगले भूमिहिन र सुकुमबासीको समस्या समाधानका लागि तीव्रताका साथ काम अगाडि बढाएको बताए ।
कार्यक्रममा नेकपा वागमती प्रदेश सचिवालय सदस्य प्रकाश खनाल(शैलेश) ले प्रधानमन्त्रीलाई राजनीतिक सहमति बिपरित दुबै पदबाट हटाउने र आफू पदमा पुग्न जेपनि गर्न तयार हुने प्रचण्ड–माधवको गलत मनसाय सफल नभएपछि उनीहरु पार्टी छाडेर गएको बताए । केपी ओलीको राष्ट्रियता र जनमुखी कामले अतालिएर उनीहरु पार्टी फुटाएर गएको खनालको भनाइ थियो ।
सो कार्यक्रममा नेकपा भरतपुरका अध्यक्ष राम न्यौपाने, चितवनका नेकपा नेता तथा भूमि समस्या समाधान आयोग चितवनका अध्यक्ष यादव पाठक, अखिल नेपाल महिला संघ केन्द्रीय सदस्य सरस्वती बिष्ट, माडी नगर कमिटी सदस्य नारायण प्रसाद अधिकारी लगायतले मन्तव्य राखेका थिए ।
सम्बन्धित खवर
