ज्योतिनगर । चितवनमा भैरहेको रगतको अभावलाई मध्यनजर गर्दै भरतपुर–२६, ज्योतिनगरमा मंगलबार आयोजना गरिएको रक्तदान कार्यक्रममा ११८ जनाले रक्तदान गरेका छन् ।
नेपाल रेडक्रस सोसाइटी दिव्यनगर र दिव्यज्योति जूनेली बचत तथा ऋण सहकारी संस्थाको आयोजनामा बिहान ८ः३० देखि २ः०० बजेसम्म भएको रक्तदान कार्यक्रममा ३३ जना महिला र ८८ जना पुरूषले रक्तदान गरेका हुन् ।
प्रमुख अतिथि भरतपुर महानगरपालिका वडा नं–२६ का वडाध्यक्ष ज्ञानप्रसाद खनालद्वारा वल्र्ड बैंकको रगत राख्ने प्याकेट हस्तान्तरण गरेर सुरूआत गरेका थिए ।
कार्यक्रममा नेपाल रेडक्रस सोसाइटी चितवन शाखाका सभापति ज्ञानशाली न्यौपाने, चितवन शाखाका उपसभापति विदुर केसी, दिव्यनगर उपशाखाका सभापति जीवाखर ढकाल, चनौली उपशाखाका सभापति लक्ष्मीकान्त दवाडी, हिमनाथ दवाडी, काशीनाथ अधिकारी, सृजना अधिकारीलगायतले मन्तव्य व्यक्त गरेका थिए ।
दिव्यज्योति जूनेली बचत तथा ऋण सहकारीका अध्यक्ष भरतकान्त अधिकारीको अध्यक्षतामा कार्यक्रम सम्पन्न भएको थियो ।
बुधबार, फागुन २६, २०७७ प्रकाशीत
सम्बन्धित खवर
