नुवाकोट, असोज २६ । नुवाकोटको बुहुनीवेशीमा शनिबार एक वृद्धको शव फेला परेको छ। विदुर नगरपालिका-३ बुहुनीवेशीस्थित खेतमा पानी लगाउने कुलोमा एक स्थानीय वृद्धको शव फेला परेको जिल्ला प्रहरी कार्यालय नुवाकोटले जनाएको छ।
विदुर नपा-३ का ६५ वर्षीय कृष्णबहादुर माझीको शव स्थानीयबासीले खेतमा पानी लगाउने कुलोमा घोप्टो परेको अवस्थामा फेला परेपछि प्रहरीलाई अवर गरेका थिए। वृद्धको शव पोष्टमार्टमका लागि नुवाकोट जिल्ला अस्पताल त्रिशूलीमा राखिएको छ भने वृद्धको मृत्युका सम्वन्धमा थप अनुसन्धान भइरहेको प्रहरी नायब उपरीक्षक तीलक भारतीले जानजकारी दिए।
