गैंडाकोट । गैंडाकोट नगरपालिकाको वडा नं २ मा रहेको भृकुटीचोक टोल विकास संस्थाको तेस्रो अधिवेशन तथा छैठौ साधारण सभा सम्पन्न भएको छ । साथै भृकुटीचोक टोल बिकास महिला समुहको दोस्रो अधिवेशन तथा चौथो साधारण सभा पनि सोही समारोहमा सम्पन्न भएको छ । टोल विकास संस्थाका अध्यक्ष केशवप्रसाद तिवारीको अध्यक्षतामा भएको साधारण सभा एवं अधिवेशनमा प्रमुखअतिथी बडा नं. २ का अध्यक्ष ध्रुवराम पौडेल रहनुभएको थियो । विशिष्ठ अतिथिहरूमा वडासदस्यहरु यदुनाथ सापकोटा र प्रकाश सापकोटा रहनुभाको थियो । अन्य अतिथिहरुमा लायन्सका गोविन्द सुवेदी र समाजसेवी वेदप्रसाद गौंडेल रहनु भएको थियो ।
साधारण सभा पछि भएको दुई वटै संस्थाहरुको अधिवेशनले दुवै संस्थामा नयाँ नेतृत्वको चयन गरेको छ । भृकुटीचोक टोल विकास संस्थाको अध्यक्षमा नारायण सापकोटा, उपाध्यक्षमा सरस्वती आचार्य, सचिवमा राजेन्द्र पौडेल, कोषाध्यक्षमा अन्जु नेउपाने अधिकारी सरिता अर्ययाल तिवारी लगायत १३ जना रहनुभएको छ ।
यसैगरि भृकुटीचोक टोल महिला विकाश समुहको अध्यक्षमा यशोदा सापकोटा, उपाध्यक्षमा चन्द्रा सुबेदी, कोषाध्यक्षमा सरिता तिवारी र सचिवमा मञ्जु अधिकारी सहित ११ जना चयन हुनुभएको छ । दुवै कार्यक्रमहरुको संचालन लेखा समितिका सचिव राजेन्द्र पौडेलले गर्नुभएको थियो ।
सम्बन्धित खवर
