२० फागुन, जनकपुरधाम । आठ किलो लागूऔषध गाँजासहित महोत्तरीका दुई जना सर्लाहीबाट पक्राउ परेका छन् ।
प्रहरीको गस्ती टोलीले चेकजाँच गर्ने क्रममा लालबन्दी नगरपालिका–१३ पानी टयाङ्कीस्थित लखनदेही खोला नजिकबाट उनीहरुलाई गाँजासहित पक्राउ गरेको हो ।
पक्राउ पर्नेमा महोत्तरीको पिपरा गाउँपालिका-३ का २८ वर्षीय रामआश्रे यादव र १९ वर्षीय चन्दन महतो छन् ।
प्रदेश २–०२–००१ प ९८८८ नम्बरको मोटरसाइकलमा सवार उनीहरुमध्ये रामआश्रेले बोकेको झोलाबाट ५ किलो र चन्दनले बोकेको झोलाबाट ३ किलो गाँजा बरामद भएको सर्लाही प्रहरीका प्रवक्ता मदन कुँवरले जानकारी दिए । उनीहरुमाथि थप अनुसन्धान गरिरहेको प्रहरीले जनाएको छ ।
बिहिबार, फागुन २०, २०७७ प्रकाशीत
