चितवन । गैंडा गणनामा प्रयोग भएका घरेलु हात्तीमाथी जंगली हात्तीले आक्रमण गर्दा पाँच जना गणक घाइते भएका छन् ।
चितवन राष्ट्रिय निकुञ्जको पश्चिमी क्षेत्रका गैंडा खासा भन्ने स्थानमा गणकहरु चढेका हात्तीलाई घेरा हाली जंगली हात्तीले आक्रमण गरेको निकुञ्जका प्रमुख संरक्षण अधिकृत अणनाथ बरालले जानकारी दिनुभयो ।
आक्रमणमा राष्ट्रिय प्रकृति संरक्षण कोषका संरक्षण अधिकृत विनोद श्रेष्ठ गम्भीर घाइते हुनु भएको छ । श्रेष्ठको काठमाडौंको ह्याम्स अस्पतालमा उपचार भइरहेको बरालले जानकारी दिनुभयो । उहाँको घाटी कम्मर, खुट्टा र हातमा गम्भीर चोट लागेको छ ।
गैंडाको गणनाका लागि हिजो निकुञ्जको टोली पश्चिम क्षेत्रको गैंडाखासा भन्ने ठाउँमा पुगेको थियो । गणनामा ३० वटा हात्ती प्रयोग गरिएको थियो । ती मध्ये गणनामा प्रयोग भएका तीन हात्ती सम्पर्क बिहीन भएको समेत बरालले जानकारी दिनुभयो ।
शनिबार, चैत २१, २०७७ प्रकाशीत
सम्बन्धित खवर
