गैंडाकोट,फागुन ०७ । ७५ औँ प्रजातन्त्र दिवशको अवसरमा पूर्वी नवलपरासीको गैँडाकोटमा जनप्रतिनिधीहरु र कर्मचारीहरुका विचमा भएको मैत्रीपूर्ण फुटवल प्रतियोगितामा कर्मचारीहरुको समूह विजयी भएको छ ।गैडाकोट नगर खेलकुद विकास समितिको आयोजनामा भएको खेलमा गैँडाकोट नगरपालिकाका कर्मचारीहरु विजयी भएका हुन् । कर्मचारीहरुको टोलि सोहि नगरपालिकाका जनप्रतिनिधीलाई १ विरुद्ध २ गोल गर्दै विजयी भयो ।
निर्धारित ६० मिनेटको समयावधिको पहिलो हाफसम्म दुवै समूहबाट कुनै गोल हुन सकेको थिए । दोस्रो हाफमा कर्मचारीहरुको तर्फबाट विजय गुरुङले गोल गर्दै कर्मचारीहरुको खेलाडीहरुकोे मनोवल उच्च बनाएका थिए । दोस्रो हाफको केहि मिनेटपछि कर्मचारीहरुकै तर्फबाट मुकुन्द कंडेलले अर्को गोल गर्न सफल भए । दोस्रो हाफको अन्तिम समयमा जनप्रतिनिधीहरुको तर्फबाट दिनेश कुमालले १ गोल फर्काएपनि जितका लागि त्यो प्रयाप्त हुन सकेन ।
प्रतियोगितामा उत्कृष्ट गोलकिपर जनप्रतिनिधीका धामनाथ सापकोटा र उत्कृष्ट खेलाडी कर्मचारीका विजय गुरुङ घोषित भए । विजयी खेलाडी तथा समूहलाई गैँडाकोट नगरपालिकाका उपमेयर शान्ति कोइरालाले पुरस्कार प्रदान गर्नुभयो ।गैँडाकोट नगरपालिका वडा नं. ३,४ र ८ मा रहेको प्रस्तावित क्षेत्रीय रंगशालामा भएको प्रतियोगिताको एक समारोहका विच गैँडाकोट नगरपालिकाका मेयर मदनभक्त अधिकारीले उद्घाटन गर्नुभएको थियो ।
प्रतियोगिताको उद्घाटन शत्रमा गैँडाकोट नगरपालिकाका मेयर मदनभक्त अधिकारी, उपमेयर शान्ति कोइराला, प्रमुख प्रशासकीय अधिकृत झविन्द्र खनाल,नेकपा एमालेका नगरअध्यक्ष कृष्ण कंडेल, रास्वपाका नगर सचिव अस्मिता घिमिरे, समाजसेवी गोकुल सापकोटा लगायतले शुभकामना मन्तव्य राख्नुभएको थियो ।
सम्बन्धित खवर
