नवलपुर,फागुन १९ । नवलपुर जिल्लामानै पहिलो पटक सिटिस्क्यान सेवा सुरु भएको छ । कावासोती नगरपालिका वडा नम्बर ८ कालीगण्डकीचोक बाट सेवा प्रवाह गर्ने गरि सो सेवा सुरु भएको हो । कावासोती ईमेजिङ्ग एण्ड डायग्नोस्टिक सोलुसन्स प्रा.लि.ले यो सेवा कावासोतीमा पहिलो पटक सुरु गरेको कम्पनीका कार्यकारी अध्यक्ष तेजप्रसाद ओझाले बताए ।
“हामीले पहिलो पटक जोखिम मोलेरनै भएपनि यो सेवा सुरु गरेका छौं , यसले यहाँका नागरिकहरुलाई भरतपुर धाउनुपर्ने बाध्यताबाट मुक्ती मिल्छ” । ओझाले भने । नवलपुरमा अहिले सम्म पनि सिटीस्क्यान एमआरआई लगायतका सेवा थिएन । जसका कारण धेरैजसो बिरामीहरुलाई चितवन , काठमाडौ या अन्यत्र जानुपर्ने बाध्यता थियो ।
कार्यकारी अध्यक्षले ओझाले हेल्थकिएर जर्मनीको अत्याधुनिक सिटस्क्यिान मेसिनबाट सेवा सुरु गरेको बताए । उनले भने ,”हामीले गुणस्तरमा कुनै सम्झौता गर्देनौं , अरु जिल्लामा जस्तै उहि गुणस्तरको सेवा दिन प्रतिबद्ध छौं । बिरामीले तिर्नुपर्ने शुल्क समेत अरु जिल्लामा जस्तै समान छ” ।
पहिलो चरणमा सिटीस्क्यान सेवा गरेको कम्पनीले डिजिटल एक्सरे , अल्ट्रासाउण्ड र एमआरआई सेवा सुरु गर्ने लक्ष्य लिएको ओझाले बताए ।
४ करोड ५० लाख रुपैयाँ लगानी गरेर सुरु गरेको यो सेवा ३० जनाको लगानी छ । बिशेषज्ञ चिकित्सक डा अनिश आचार्यले नियमित सेवा प्रदान गर्ने गरि डा. सुवास ओझा , डा.बिज्ञान पौडेल डा. कृपेश थापा र डा. रविन शर्माले बिहान बेलुका तथा अन कल सेवा प्रदान गर्ने ओझाले बताए ।
सम्बन्धित खवर
