गैंडाकोट, ३१ जेठ । पूर्वी नवलपरासी (बर्दघाट सुस्ता पूर्व) को गैंडाकोटमा आइतबार दिउँसो भएको सवारी दुर्घटनामा परी एक वृद्धको मृ’त्यु भएको छ भने एक जना घाइते भएका छन्।

पूर्व-पश्चिम राजमार्ग अन्तर्गत गैंडाकोट नगरपालिका वडा नं. ११ स्थित बोडिङ चोकमा नारायणगढबाट कावासोती तर्फ आउँदै गरेको UP 57 CD 9010 नम्बरको भारतीय कारले ग.प्र.०४-००१ प २३०७ नम्बरको स्कुटरलाई ठक्कर दिएको थियो।

दुर्घटनामा परी ग,म्भीर घाइते भएकी स्कुटरमा सवार हुप्सेकोट गाउँपालिका वडा नं. १ बस्ने ७७ वर्षीया सावित्री भुसालको उपचारका क्रममा मृत्यु भएको प्रहरीले जनाएको छ। दुर्घटनालगत्तै उनलाई उपचारका लागि भरतपुरस्थित नयाँ मेडिकल कलेज पठाइएकोमा साँझ ५:२० बजे चिकित्सकले मृ’त घोषित गरेका थिए।

दुर्घटनामा स्कुटर चालक हुप्सेकोट-१ कै ४० वर्षीया सानु भन्ने सीता भुषाल घाइते भएकी छन्। उनको टाउको र दुवै हातमा चोट लागेको छ भने अवस्था मध्यम रहेको प्रहरीले जनाएको छ। उनको सोही अस्पतालमा उपचार भइरहेको छ।

प्रहरीले कार र चालक भारतको उत्तर प्रदेश, सुखिनगर कसैया बस्ने ४३ वर्षीय करुणा निधान मिश्रलाई नियन्त्रणमा लिएको छ। घटनास्थलमा प्रहरी टोली खटिएर दु’र्घटनाको बारेमा थप अनुसन्धान गरिरहेको जिल्ला प्रहरी कार्यालयले जनाएको छ।